le chassator de chimeras

Le chassator de chimeras
(a guisa de conto)

Le urbe es un dedalo de contradictiones e desiros ubi disbucca un torrente que trahe con se tote le typo de passageros. Ma le urbe, del altere latere, es anque le puncto de partita pro multes qui vole liberar se del ammarras de aciero e beton e attende facer un escappada usque a un loco tranquille ubi on pote respirar le aere pur del natura.

Il ha plure vias pro viagiar e allontanar se del tediose quotidiano e discoperir nove locos e geographias; le importante es que uno se mitte in cammino e demanda altere experientias e sensationes, e assi fugir al presente karma del routine que consume quotidianmente le anima del viagiatores qui remane in terra... Uno debe esser caute quando selige un medio de transporto, pois que non totes duce al fin proponite. Certo, le importante es mitter se in cammino ma si tu non cognosce le ventos con que tu imbarca in le aventura alora nulle de illos potera esser te utile.

Un viage verso nove horizontes es sempre un discoperta de nove experientias e sensationes, ma an tu ja alcun vice ha pensate que illo pote anque esser le stimulo motor pro tu eveliar interior.

Si tu vole vermente arrivar al destination de tu viage non oblida de prender le traino que te menara al apertura de nove mundos e experientias; tu debe esser la ante le hora del partita... Tu potera sempre prender un altere traino, ma illo que tu perde te facera perder anque le experientia irrepetibile que tu haberea habite e que tu lassava retro. Si tu vole viver tu vita con enthusiasmo e discoperir le altere mundos que existe foras de te, comencia per discoperir in prime loco le destination que tu debe seliger pro plenar tu ver e profunde desiros. Non face como le anciano qui perdite in su dedalo interior continua attender con su karma, cata die que passa per ille, le traino al halto del bus, surprendite e inglutite in le labyrintho de su obstinate follia urban.

Mitte te in cammino... Il non ha un etate specific pro viagiar proviste que tu non face como le anciano que confunde toto e continua attender le traino al halto del chimeric bus.

No comments:

Post a Comment