phrases e expressiones curiose

Le medico indian Sushruta, c. 600 aC, scribeva: 'le studioso qui acquire su saper solo per le libros es como un asino, que porta un carga de santalo: illo senti le peso del carga ma non cognosce su valor.'

In Portugal il ha un proverbio que ha un senso equivalente al phrase del erudito indian: 'um burro carregado de livros é (um) doutor' (un asino cargate con libros es un doctor).

false amicos

Ecce un lista non exhaustive de 'false amicos' interlingua-portugese.
Si tu vole, tu pote crear como exercitio un secunde columna con le correspondentia inverse pt > ia.

amassar > amontoar, acumular
ano > ânus (ano, anat.)
appunctamento > encontro
ar > are
arena > areia (anque 'arena')
becco > bico
bello > guerra
beta > beterraba (anque 'beta', letra gr.)
bolo >  solmente ha senso physiologic
borrar > enchumaçar, almofadar
burlar > brincar, gozar, gracejar
calcetta > meia; peúga
calcetteria > estabelecimento onde se vende meias, camisas, peúgas, etc.
calcettero > fabricante de meias
cappello > chapéu
cardine > gonzo, dobradiça
catena > cadeia, corrente, etc.,  salvo 'prisão'
caule > couve (anque 'caule', morf. bot.)
ceco > cego (anque 'ceco, cécum', anat.)
cepa > (=cebola)
cerca/r > procura/r
clave > chave; tecla (anque 'clave musical')
colar > coar, filtrar
collo > pescoço; colar (anque 'colo', pescoço')
colo >  coador; filtro
cono > cone
consequer > ser consequente
conto > (com.) conta (anque 'conto', lit.)
coxa > anca; (articulação do) quadril (anque 'coxa')
criminal (sub.) >  criminoso
cubito > cotovelo (anque 'cúbito', osso)
curveta > upa, pinote
detener > deter (1. ter, possuir algo; 2. confinar, manter sob custódia) - non ha le senso de 'fazer parar ou parar'
dica > dique
digital (n.) > dedal
disfructar > apanhar fruta
dolo > tristeza, mágoa, dor, etc.
domo > casa (anque 'domo', zimbório)
dono > dom, dádiva
duce > duque
exito > non significa 'êxito, sucesso', ma 'êxito, (ant.) saída'
face > tocha, archote
fato > fado, destino
femore > coxa (anque 'fémur', osso)
filar > fiar (têxtil)
filo > fio
foder > escavar
foliar > encher(-se) ou cobrir(-se) de folhas (bot.)
furar > roubar
gamba > perna (anque '(viola da) gamba', mús.)
gremio > colo (regaço; seio)
grossa > grosa (12 dúzias)
grotta > gruta (non 'grota')
gutta > gota
haste > pressa
humero > ombro (anque 'úmero', osso)
infatuation > obsessão
levar > levantar (anque 'levar', náut.)
leve > esquerdo (anque 'leve', de pouco peso)
ligno > madeira; lenha
mancar > faltar
manco > falta, necessidade
mano > mão
marisco > pântano
mascar > mascarar
matar > (xad.) dar xeque-mate
mola > mó
necessitar > 1. forçar, obrigar; 2. tornar/fazer necessário (non significa 'precisar', ter necessidade (de))
nitrido > nitreto
oculo/s > olho/s
papiro > papel ('pasta em folhas')
parar > paramentar; ornamentar
parco > parque
parve > non significa 'tolo, atoleimado', ma 'pequeno, (rar.) parvo'
pejo (adv.) > pior
phosphoro > solo designa le elemento chimic 'fósforo'
pica > pega (-ê-)
pico > pica-pau (ornit.)
pila > pilha
pilota > piloto
pipa > cachimbo; pífaro; tubo (anque 'pipa', antiga unidade de medida)
pira > pêra (pera)
pisca/r > pesca/r
piso > ervilha
pissa > mijo, urina
plaga > ferida; calamidade
policia >  (corporação da) polícia(não o agente)
pontar > construir pontes, estabelecer ligação entre duas coisas
portata > ninhada
prato > prado
precisar > solmente "indicar ou exprimir com exatidão" (non "necessitar/carecer de")
prejudicar > prejulgar
prender > tomar; segurar; pegar
pressa > imprensa; prensa; prelo (anque 'pressa', urgência)
presto > empréstimo (anque 'presto' (mús.))
procurar > adquirir, obter, conseguir (algo)
pullo > frango; cria (animal jovem); potro
pupa > 1. menina, rapariga; 2. boneca; (anque 'pupa', ent.)
pure > pus
putto > 'putto' (hist. arte)
querer > 1. procurar; 2. perguntar
quinta > quina (lud.) (anque 'quinta' (mús.))
quintal > solmente 'quintal métrico' (100 Kg)
rapa > nabo (bot.)
rata > (com.) taxa de juros, razão
ratto > ratazana
recantar > retractar, desdizer-se (anque 'recantar', tornar a cantar)
reguardar >  olhar para; considerar
relentar > desacelerar, afrouxar
remarcabile > notável, digno de nota
remissa > cocheira (anque 'remessa', ma non 'remissa', 'adiamento')
rentero > aquele que vive de rendas/rendimentos
retirada > (fort.)  linha de defesa com trincheira interior
resonar > ecoar
retractar > tratar (de algo) de novo
revenir > retornar, voltar de novo
ripa > margem (de rio, lago, etc.)
riscar > arriscar
rolamento > (náut.) balanço de um lado para o outro (anque 'rolamento', acção de rolar)
rolar > (náut.) balançar de um lado para o outro (anque 'rolar', rodar)
rolo > papel (teat.); (anque 'rolo', objecto cilíndrico)
romanic > non significa 'românico, romance, neolatino', ma solo 'românico (hist.; lit.)'
rondo > 1. objecto esférico ou globular; 2. círculo, anel
rostir > grelhar, assar
rota > roda ('objecto, peça'); (anque 'rota', tribunal ecles.)
rotundo > objecto redondo
scolio > recife
secar > cortar
sedente > sentado
sellar > solmente 'pôr a sela em'
sequer > seguir
serviente > 1. servente; 2. artilheiro
seta > seda; cerda
sete > sede (-ê-)
sicca > banco de areia
sigillo > sinete (anque (ant.) 'sigilo', selo)
silva > pequena mata, pequeno bosque (anque (ant.) 'silva', floresta)
sino > seio; seno; útero
soma > soma (1. anat; 2. rel. hindu)
sono > som
sperar > solemente 'ter esperança (em)'
spora > esporo
succeder > 1.  suceder, seguir(-se); 2. ter êxito, sucesso; (non significa 'suceder', acontecer, ocorrer)
sulfuriera > jazigo de enxofre
sumer > agarrar
tasca > bolso
tenente > inquilino, arrendatário
tenentia > arrendamento
tenor > teor (anque 'tenor', mús.)
testa > cabeça
teste >  testículo (anque 'teste', (obs.) testemunha)
testo > 1. pote de barro/cerâmica; 2. caco, bocado de louça partida
tincto > matiz; matéria corante
tirar > esticar, estirar (anque 'tirar', atirar, arrastar, puxar, extrair, etc.)
tocca >  toque, contacto (anque 'toque, chapéu' e ancora 'touca', ma non 'toca', buraco, lura)
toccar > tocar ((em) algo tactilmente ou uma pessoa física e/ou emocionalmente)
tocco > acção de tocar (física e/ou emocionalmente)
tremulo > choupo-tremedor, faia-preta
trocar >  trocar géneros
troco > troca de géneros
trovar > encontrar, achar
ver > (sub.) primavera; (adj.) verdadeiro
verter > rodar, voltar; curvar, arquear
vespera (vespere) > noite
vexar > aborrecer; irritar
villa > vila (arquit.)
villetta > pequena vila (arquit.)
vitellino > velino
volata > voo; (mil.) descarga
volo > voo
volta > (arquit.) abóbada; (equit.) volteio
voltar > abobadar (cobrir com abóbada)

die de interlingua

Pro commemorar iste data, esseva hodie publicate un dictionario multilingue de terminos cognate in interlingua e su linguas de controlo (anglese, germano, francese, italiano, espaniol, portugese e russo).

Illo consiste de 3.333 entratas ubi es presentate le lemmas in interlingua, ordinate alphabeticamente e con le indication de lor provenientia, e lor respective correspondentia in le altere septe linguas, le principal contribuentes al quintessentia del linguas del sphera linguistic de Romania, le qual on sole appellar le regina del linguas planate, i.e., interlingua.

Ecce un exemplo:

action n. [L]

an action

ge Aktion f.

fr action f.

it azione f.

es acción f.

pt a(c)ção f.

ru акция f.

Le libro es multo multo bon, e facite con un qualitate excellente. Il es un authentic placer haber in le manos un libro si interessante qui mitte ante nostre oculos le realitate del lingua international, isto es, interlingua como symbolo real de union del cultura europee, e perque non dicer lo, del cultura universal. Un billion de gratias a Carlos Soreto. | Josu Lavin

 
» plus de information

anno nove

Post un anno de absentia como signo de lucto pro le disparition de Piet Cleij, nos es hic de novo pro mantener su memoria vivente.

Nos ha plure projectos in curso pro render homage al grande magistro, como le edition de su monumental Thesauro, ma forsan le publication de un tal labor habera loco solmente de hic a un o duo annos. Intertanto, como contribution al commemoration del proxime die de interlingua (15.01) sera publicate un dictionario original de (3.333) terminos cognate traducite in le 7 principal linguas contribuente de interlingua, a saper: anglese, germano, francese, italiano, espaniol, portugese e russo.

piet cleij: in memoriam

Solmente le die sequente io legeva le triste nova: le «Voce» de interlingua se extingueva!

Mi collaboration con iste homine integre comenciava alcun annos retro, quando io faceva le prime passos in le studio de interlingua e va continuar, nonobstante le absentia de su presentia physic, pois que io me considera un herede privilegiate de haber su monumental opera, concernente interlingua, e qui ha le deber de zelar pro que un tal valorose labor non cade in oblido post le disparition del grande magistro. Assi, io plana realisar alcun initiativas durante le currente anno pro render homage a su memoria. (Le prime de illos – e isto ille ja lo sapeva per le ultime e-posta que io le inviava tres septimanas retro – va esser le dedication de mi Grande Dicionário Português-Interlíngua, que debera venir al luce durante le proxime menses).

Desde le prime excambios de e-postas (in 2010, si io non erra), esseva notori le empathia existente inter nostre visiones de interlingua e quando, in ille mesme anno, io timoratemente le demandava pro corriger un parve texto que io voleva publicar in iste blog, veniva alora le demanda, de su parte, pro publicar lo in le Nº 41 (2010) de «Voce de Interlingua»... Isto esseva le comencio de mi collaboration litterari (con un total de sex contos), que irea perdurar usque al ultime numero (46) de «Voce», in 2012. Intertanto, al mesura que nostre correspondentia augmentava, cresceva in me le voluntate de cognoscer personalmente le homine qui, con un tanto monumental opera, me demandava in un de su e-postas si io (non) voleva corriger/revisar su Dictionnaire Français-Interlingua (in veritate iste nunquam occurreva). E a partir de hic, usque a tres septimanas retro nos ha mantenite un collaboration e un correspondentia regular con discussiones e, a vices, con positiones differente super iste o ille detalio, ma in le fundo nos sempre trovava le solution que melio serviva le interesses de interlingua e non le interesse individual de un de nos.

Io es immensemente grate a Piet Cleij, ultra le placer de io (ancora un novicio) haber cognoscite personalmente (in su casa!) e collaborate con iste grande intellectual e homine de action. Mi bibliotheca de interlingua anque ha beneficiate grandemente durante iste ultime annos con le generose donationes de Piet Cleij; multe vices ille me inviava su copia personal (de labor) como occurreva con le Vocabulos Supplementari de Interlingua (E. Berggren, 1976) o ancora Nove Parolas in Interlingua, 1972 (3 folios con un lista de 'parolas recommendate per le Commission Linguistic'). Iste parve gestos es pro me de un importantia enorme e isto es un tracto de character, ultra su capacitate intellectual, que me faceva esser sempre disponibile pro collaborar in su plure projectos. (Ben que troppo curte, nostre collaboration, a varie nivellos, lassava obras como le Lista Supplementari o le ultime version del Dictionario Interlingua-Nederlandese). De tempore in tempore mi cassa de currero habeva surprisas pro me. Le ultime de illos occurreva poc tempore ante le ultime Natal quando io recipeva le Verklarend woordenboek van wetenschappelijke plantennamen..., un dictionario de botanica que le Magistro voleva offerer me alcun menses retro, e non me lo ha inviate, al epocha, proque illo esseva exhaurite... Totevia, ante alcun septimanas io trovava su proprie copia in mi cassa de currero...

Le opera que Piet Cleij lega a interlingua es un cosa meraviliose e valorosissime: illo es un referentia obligatori e un autoritate in le campo del lexicographia e phraseologia de interlingua. Ultra haber essite le secretario general de UMI e un membro del CE quasi usque al fin de su dies, Piet Cleij publicava regularmente (2 vices/anno, durante quasi vinti annos!) le parve, ma interessante e didactic «Voce de Interligua» (de 1990 a 2012), le qual ille distribueva a un parve gruppo de amicos. Io es multo honorate pro haber facite parte de un tal gruppo.

A iste homine extraordinari, simple e affabile, un infatigabile laborator cuje fertile effortio es un exemplo pro le generationes veniente, nos nunquam va consequer retribuer su monumental labor durante iste vita. Pro isto, in iste momento, io ha un sentimento paradoxal: de un latere, io me senti triste a causa del disparition del magistro e de un grande amico, ma al mesme tempore ('le natura seque su leges') mi memoria gaude del ligation que nos establiva poc annos retro e que lassava le testimonio de un collaboration aperte e fructuose, intense e loyal, con le exponente maxime del lexicographia de interlingua.

A Piet Cleij,
magistro e amico,
mi eterne regratiamento
 e mi sincer recognoscentia.

RIP

sultan

io ha un can. mi can se appella sultan. 
sultan vive in un grande quadrilatero. 
le quadrilatero ubi habita sultan es su sultanato. 

a vices sultan es visitate per un catto.
es del vicina le catto que visita sultan in su sultanato. 
son amicos can e catto. 
a vices, quando io mena le repasto a sultan, 
de lontan le catto mira le can, que mangia in su platto. 

quando io non ha ration pro dar a sultan 
e da un morsello de pan al catto, 
ille me regratia con su suave miaular. 
sultan, invidiose, se pone a latrar. 

can e catto sole jocar 
in le spatio quadrangular, 
le sultanato de mi can 
que se appella sultan.

anatomia in le ied

Veni de ser publicate (lulu.com) le Vocabulario de anatomia in le IED, le prime dictionario polyglotte basic de anatomia con plus de tres linguas.

Con lemmas in interlingua e correspondentia in anglese, germano, francese, italiano, espaniol e portugese (ultra le designationes in latino), illo es un utensile indispensabile al studiantes avantiate e al professionales del scientias medical e biologic. Totevia, tamben le publico non specialisate pote profitar de su lectura, un vice que multe terminos - como mano, pede e/o oculo, etc. - son usate per nos quotidianmente e entra, sovente, in expressiones popular o proverbios, como vos potera leger in le p. xviii, e io lassa hic alcun exemplos:

- A cata capite su senso.
- Ab le mano usque al bucca se perde le suppa.
- Ambular se per le ramos.
- Costar le oculos del facie.
- Dar septe voltas al lingua ante de parlar.
- Dulce parolas non plena le ventre.