31 Dec 2010

pico da crise

Ecce un bon illustration del mentalitate del mundo moderne, designate per le cartoonista Bertrams e publicate in un recente edition del jornal amsterdamese Het Parool.
Le elites parla de un nove paradigma pro le societate actual, ma in realitate vole le «seniores del mundo» que il habe un «mutation» del mentalitates? Il non me pare... Cata vice de plus le ricchos es plus ric e le povres plus paupere. Alora, toto sta ben!... pro illes, obviemente!
E qual le rolo que interlingua potera haber in le accurtamento de ille distantia ubi le merito multe vices vole dicer nil in detrimento del clientelismo e del opportunismo de un pugnata de personas judicate (per illes proprie) le grande leaders del humanitate? Potera nos omnes - un pauco utopic (le utopia es un cosa necessari, proque exemplos del materialismo que nos governa il ja suffice!!!) - e credentes in un mundo plus juste jocar un rolo in iste circo ubi le animales feroce non lassa lor predas?
Il es le tempore de un prisa de conscientia e luctar contra le injustitia que governa le mundo... e ci interlingua ha certemente un rolo a jocar in despecto de nos haber nulle color politic. Nostre bandiera es blanc assi como es limpide nostre scopo; lo que nos face erubescer (de vergonia) es le miseria e le atrocitates committite in nomine de un pretense progresso e de un evolution real nel planos economic, politic e social, le quales al fin non passa de un mer manipulation ideologic del classes dirigente. (Ok, il ha habite irrefutate ameliorationes in le historia del humanitate - isto es toto obvie! Ma esque illos suffice pro que nos pote appellar le mundo moderne un societate juste?). Il es le hora de cambiar le mentalitate del dominatores e dominatos e avantiar, standardo in le mano, contra le egoistic interesses del elites insatiabile per moneta e establir un moral ubi le valores sia le fraternitate e le justitia e non le precio del cosas terren...
Interlingua ha un parola a dicer contra le mantenentia del status quo mental; e tu?

1 comment:

  1. Le ideologia del "liberalismo neo" es practic pro le equipa ric. Illos dice, que cata es le ferrator de su fortuna, ma illos mesme son heredes o filios favorite de lor classe. De plus, iste ideologia es igonrante del realitates economic.

    Ben que tu ha ration con tu anaysis, io non vide le rolo de interlingua. Si nos vole cambiar le opinion public, nos debe parlar le lingua del gentes.

    Vide http://www.nachdenkseiten.de/ pro un exemplo in germano.

    R.G.

    ReplyDelete