30 Dec 2016

un legenda russe

Le armenio qui vendeva su cavallo
(Un legenda russe traducite ab interlingue in interlingua)

Un armenio e un tartaro discuteva in le mercato de Nijni-Novgorod. Le armenio interprendeva vender al tartaro un cavallo que pareva belle, ma que claudicava. Post multe exclamationes e blasphemas secundo le costume de venditores de cavallos de tote le mundo, le tartaro decide pagar 50 rublos pro le cavallo, que ille prende con se.
Un muzhik, qui assisteva al compra, dice al tartaro:
— Tu esseva robate: le cavallo claudica!
— Io ja lo sapeva, responde le altere, palpebrante. Esseva io, precisemente, qui plantava habilemente un clavo in su pata pro depreciar lo.
Alora le muzhik curre verso le armenio e le conta le fin del historia.
— Esque tu crede que io non videva le astutia del fraudator? Ma tu me esseva utile, nam le cavallo claudica realmente desde su nascentia.
Duo horas plus tarde, le muzhik incontrante le tartaro, le relata le fin del historia. Audiente iste parolas, le comprator leva le bracios verso le celo:
— Como pote exister tal fraudatores sur le terra! E io quasi regrettava haber le pagate con un false nota de banca!

In A. Matejka, 1955: Vollständiger Lehrgang in Interlingue, der natürlichen Welthilfssprache, p.28).

12 Sep 2016

ojectivitate e precision

Le manco de precision del linguage rende difficile le delimitation del conceptos; duce a un basse poter de discrimination; impossibilisa le dialogo critic; face que le interlocutores non sape si illes se refere al mesme objecto e mantene le isolation subjective.
(Traducite ab J.C. Köche, Fundamentos de metodologia científica, pp. 26-27, 2002)
 *
Pro le homine de scientia, pro le homine de laboratorio, le rationamento debe esser tanto precise quanto exacte e precise debe esser le expression parlate o scripte con le quales ille se exteriorisa; le negligentia, le manco de claritate e le improprietate significa certemente le disconcertamento e le confusion del pensamento.
(Ab Plácido Barbosa, Dicionário de terminologia médica portugueza, p. 6, 1917)
 **

Si le precision del linguage es necesse a omnes, illo es indispensabile al
recercatores e scientistas, pois que le imprecision es incompatibile con le scientia (Saul Goldenberg).

29 Aug 2016

prototypologia

Il es de uso currente que le novicios (e alcun veteranos) tende a vider toto lo que concerne le formas vocabular de interlingua como un sorta de imagine specular projicite per le formas que le parolas ha in le linguas fonte.

Como dice le IED (p. xxiv) il non ha un methodologia applicabile a omne le casos de standardisation de prototypos e, dunque, le importantia del analyse multidimensional in le extraction vocabular versus le approche superficial del formas in le plure variantes non debe ser neglecte, lo que es illustrate in le exemplo infra.
(Iste exemplo es simple e evidente; totevia, como esseva supra-mentionate, on debe haber in mente que un prototypo non sempre es extracte del mesme maniera - como es, p. ex., le formas obvie mano o philosophia).


Lat.: pistillus, i; (NL) pistillum, i

fr/an: pistil (Le voc. an. es un presto ab le forma apocopate fr. 'pistil' (<pistille, 1685)).
es/pt: pistilo

it: pistillo

A prime vista il poterea parer que le forma in interlingua era/serea 'pistilo', nam solo le forma it. ha 'll'.

(Il ha nulle regula in fr. e/o an. (e ia.), que determina que debe ser addite un 'l' al fin de un parola quando illo se termina in 'l', cf. 'filaire' e 'methylic', respectivemente).


Totevia - e hic entra in action le 'multidimensionalitate' -, le derivato an. [pistillar] e/o le fr. [pistillaire] va 'salvar' le forma original e, assi, es trovate le forma standardisate ('le prototypo') in interlingua: pistillo.

23 Aug 2016

logica


Si on funda un rationamento super un hypothese o un proposition false, le conclusion - como resultato 'logic' del puncto de partita - es sempre erronee (tamen illo pote haber un discurso logic e facer senso in le mente de su creator).

24 Jun 2016

le sal e le baptismo

In le liturgia catholic le die 24/6 es consecrate a Sancte Johannes Baptista.
Heri il habeva festa in mi village e hodie, ben que illo non es officialmente un die feriate, quasi nemo labora.

Un del symbolos del ceremonia baptismal es, como omnes sape, le aqua, ille elemento que vivifica le natura e es le 'fonte' del vita (de hic le acception 2 de 'fontal' in le IED: baptismal), ma in le sacramento de baptismo il ha altere elementos importante e minus cognoscite, como le sal.

Ecce infra un parve texto (que ja esseva publicate in 'Panorama') super ille elemento si importante in le equilibrio osmotic e in nostre proprie equilibrio physic e mental

Le uso de sal in ceremonias baptismal veni ab le prime tempores del Ecclesia (sec. III/IV). Su character sacre e religiose es debite a su incorruptibilitate e es un del symbolos del vita que le christianos debe viver. Pro le apostolo Mattheo illo symbolisava le sapientia, tamen primitivemente illo poterea esser empleate in ceremonias de exorcisation. Non tote le ritos christian lo usa in le baptismo de lor fideles e catechumenos; illo es solmente usate in le rito roman.

20 Jun 2016

sissi

si, sissi!
ci o la,
mi sol,
mi sissi.


sin te
io me senti
sol, la ubi
le sol non luce,
o ci, solitari,
sin te,
sol,
sissi.

ubi?
la o ci,
si, mi sol,
la, si,
ubi le
sol re
luce,
mi sol,
mi luce,
la, si,
con te,
mi sissi!

15 Jun 2016

phrases e expressiones curiose

Le medico indian Sushruta, c. 600 aC, scribeva: 'le studioso qui acquire su saper solo per le libros es como un asino, que porta un carga de santalo: illo senti le peso del carga ma non cognosce su valor.'

In Portugal il ha un proverbio que ha un senso equivalente al phrase del erudito indian: 'um burro carregado de livros é (um) doutor' (un asino cargate con libros es un doctor).

12 Jun 2016

false amicos

Ecce un lista non exhaustive de 'false amicos' interlingua-portugese.
Si tu vole, tu pote crear como exercitio un secunde columna con le correspondentia inverse pt > ia.

amassar > amontoar, acumular
ano > ânus (ano, anat.)
appunctamento > encontro
ar > are
arena > areia (anque 'arena')
becco > bico
bello > guerra
beta > beterraba (anque 'beta', letra gr.)
borrar > enchumaçar, almofadar
burlar > brincar, gozar, gracejar
calcetta > meia; peúga
calcetteria > estabelecimento onde se vende meias, camisas, peúgas, etc.
calcettero > fabricante de meias
cappello > chapéu
cardine > gonzo, dobradiça
catena > cadeia, corrente, etc.,  salvo 'prisão'
caule > couve (anque 'caule', morf. bot.)
ceco > cego (anque 'ceco, cécum', anat.)
cerca/r > procura/r
clave > chave; tecla (anque 'clave musical')
colar > coar, filtrar
collo > pescoço; colar (anque 'colo', pescoço')
colo >  coador; filtro
cono > cone
consequer > ser consequente
conto > (com.) conta (anque 'conto', lit.)
coxa > anca; (articulação do) quadril (anque 'coxa')
criminal (sub.) >  criminoso
cubito > cotovelo (anque 'cúbito', osso)
detener > deter (1. ter, possuir algo; 2. confinar, manter sob custódia) - non ha le senso de 'fazer parar ou parar'
dica > dique
digital (n.) > dedal
dolo > tristeza, mágoa, dor, etc.
domo > casa (anque 'domo', zimbório)
dono > dom, dádiva
duce > duque
exito > non significa 'êxito, sucesso', ma 'êxito (ant.), saída'
fato > fado, destino
femore > coxa (anque 'fémur', osso)
filar > fiar (têxtil)
filo > fio
foder > escavar
foliar > encher(-se) ou cobrir(-se) de folhas (bot.)
furar > roubar
gamba > perna (anque '(viola da) gamba', mús.)
gutta > gota
haste > pressa
humero > ombro (anque 'úmero', osso)
levar > levantar (anque 'levar', náut.)
leve > esquerdo (anque 'leve', de pouco peso)
ligno > madeira; lenha
mancar > faltar
manco > falta, necessidade
mano > mão
marisco > pântano
mascar > mascarar
matar > (xad.) dar xeque-mate
mola > mó
necessitar > 1. forçar, obrigar; 2. tornar/fazer necessário (non significa 'precisar', ter necessidade (de))
nitrido > nitreto
oculo/s > olho/s
papiro > papel ('pasta em folhas')
parar > paramentar; ornamentar
parco > parque
parve > non significa 'tolo, atoleimado', ma 'pequeno, (rar.) parvo'
pejo (adv.) > pior
phosphoro > solo designa le elemento chimic 'fósforo'
pica > pega (-ê-)
pico > pica-pau (ornit.)
pila > pilha
pilota > pilot
pipa > cachimbo; pífaro; tubo (anque 'pipa', antiga unidade de medida)
pira > pêra (pera)
pisca/r > pesca/r
piso > ervilha
pissa > mijo, urina
plaga > ferida; calamidade
policia >  (corporação da) polícia
pontar > construir pontes, estabelecer ligação entre duas coisas
portata > ninhada
prato > prado
prejudicar > prejulgar
prender > tomar; segurar; pegar
pressa > imprensa; prensa; prelo (anque 'pressa', urgência)
presto > empréstimo (anque 'presto' (mús.))
procurar > adquirir, obter, conseguir (algo)
pullo > frango; cria (animal jovem)
pupa > 1. menina, rapariga; 2. boneca; (anque 'pupa', ent.)
pure > pus
putto > 'putto' (hist. arte)
querer > 1. procurar; 2. perguntar
quinta > quina (lud.) (anque 'quinta' (mús.))
quintal > solmente 'quintal métrico' (100 Kg)
rapa > nabo (bot.)
rata > taxa (com.)
ratto > ratazana
recantar > retractar, desdizer-se (anque 'recantar', tornar a cantar)
reguardar >  olhar para; considerar
relentar > desacelerar, afrouxar
remarcabile > notável, digno de nota
remissa > cocheira (anque 'remessa', ma non 'remissa')
retirada > (fort.)  linha de defesa com trincheira interior
resonar > ecoar
retractar > tratar de novo
revenir > retornar, voltar de novo
ripa > margem (de rio, lago, etc.)
riscar > arriscar
rolamento > (náut.) balanço de um lado para o outro (anque 'rolamento', acção de rolar)
rolar > (náut.) balançar de um lado para o outro (anque 'rolar', rodar)
rolo > papel (teat.); (anque 'rolo', objecto cilíndrico)
romanic > non significa 'românico, romance, neolatino', ma solo 'românico (hist.; lit.)'
rondo > 1. objecto esférico ou globular; 2. círculo, anel
rostir > grelhar, assar
rota > roda ('objecto, peça'); (anque 'rota', tribunal ecles.)
rotundo > objecto redondo
scolio > recife
secar > cortar
sedente > sentado
sellar > solmente 'pôr a sela em'
sequer > seguir
serviente > 1. servente; 2. artilheiro
seta > seda; cerda
sete > sede (-ê-)
sicca > banco de areia
sigillo > sinete (anque (ant.) 'sigilo', selo)
silva > pequena mata, pequeno bosque (anque (ant.) 'silva', floresta)
sino > seio; seno; útero
soma > soma (1. anat; 2. rel. hindu)
sono > som
sperar > solemente 'ter esperança (em)'
spora > esporo
succeder > 1.  suceder, seguir(-se); 2. ter êxito, sucesso; (non significa 'suceder', acontecer, ocorrer)
sulfuriera > jazigo de enxofre

sumer > agarrar
tasca > bolso
tenor > teor (anque 'tenor', mús.)
testa > cabeça
teste >  testículo (anque 'teste' (obs.), testemunha)
testo > 1. pote de barro/cerâmica; 2. caco, bocado de louça partida
tincto > matiz; matéria corante
tirar > esticar, estirar (anque 'tirar', atirar, arrastar, puxar, extrair, etc.)
tocca >  toque, contacto (anque 'toque, chapéu' e ancora 'touca', ma non 'toca', buraco, lura)
toccar > tocar ((em) algo tactilmente ou uma pessoa física e/ou emocionalmente)
tocco > acção de tocar (física e/ou emocionalmente)
trocar >  trocar géneros
troco > troca de géneros
trovar > encontrar, achar
ver > (sub.) primavera; (adj.) verdadeiro
verter > rodar, voltar; curvar, arquear
vespera (vespere) > noite
vexar > aborrecer; irritar
villa > vila (arquit.)
volata > voo; (mil.) descarga
volo > voo
volta > (arquit.) abóbada; (equit.) volteio

15 Jan 2016

die de interlingua

Pro commemorar iste data, esseva hodie publicate un dictionario multilingue de terminos cognate in interlingua e su linguas de controlo (anglese, germano, francese, italiano, espaniol, portugese e russo).

Illo consiste de 3.333 entratas ubi es presentate le lemmas in interlingua, ordinate alphabeticamente e con le indication de lor provenientia, e lor respective correspondentia in le altere septe linguas, le principal contribuentes al quintessentia del linguas del sphera linguistic de Romania, le qual on sole appellar le regina del linguas planate, i.e., interlingua.

Ecce un exemplo:
action n. [L]
an action
ge Aktion f.
fr action f.
it azione f.
es acción f.
pt a(c)ção f.
ru акция f.

Le libro es multo multo bon, e facite con un qualitate excellente. Il es un authentic placer haber in le manos un libro si interessante qui mitte ante nostre oculos le realitate del lingua international, isto es, interlingua como symbolo real de union del cultura europee, e perque non dicer lo, del cultura universal. Un billion de gratias a Carlos Soreto. | Josu Lavin
 
» plus de information

7 Jan 2016

anno nove

Post un anno de absentia como signo de lucto pro le disparition de Piet Cleij, nos es hic de novo pro mantener su memoria vivente.

Nos ha plure projectos in curso pro render homage al grande magistro, como le edition de su monumental Thesauro, ma forsan le publication de un tal labor habera loco solmente de hic a un o duo annos. Intertanto, como contribution al commemoration del proxime die de interlingua (15.01) sera publicate un dictionario original de (3.333) terminos cognate traducite in le 7 principal linguas contribuente de interlingua, a saper: anglese, germano, francese, italiano, espaniol, portugese e russo.